XOGO DE ORIENTACIÓN: BUSCANDO ESCULTURAS

 

O alumnado de 2º de Educación Primaria realizou unha carreira de orientación no patio en relación coa temática de investigación do proxecto elexida por este grupo: Esculturas de O Grove.

Cada equipo tiña que buscar seguindo as pistas dun mapa, imaxes de esculturas e escribir na folla de rexistro as letras que había pola parte traseira da imaxe e adiviñar a frase oculta al ordenar todas as letras: SOMOS ARTISTAS.

XOGO DE ORIENTACIÓN EN EDUCACIÓN FISICA: BUSCANDO CANTANTES E GRUPOS MUSICAIS

 

Na última semana de clases de Educación Física os nenos e nenas do 2º ciclo de Educación Primaria realizaron Carreiras de Orientación no patio coa temática que investigaron no Proxecto Somos Artistas. Tiveron que atopar diferentes imaxes de cantantes e grupos musicais que xa elexiran antes na UD de Expresión Corporal cando crearon as súas coreografías de baile. 

Preme na imaxe para ver as fotos da actividade.

Entrega de agallaso á familia gañadora do Deseño do LOGO do PDI Somos Artistas

Entregamos o agasallo a familia de Lucía e Álvaro, gañadores do deseño do LOGO do Proxecto.

 

Entrega de premios do Concurso da Mascota da biblioteca en familia

 

Esta mañá entregamos os premios aos gañadores e finalistas do Concurso realizado para deseñar a nova mascota da biblioteca. 

Preme na imaxe para ver todos os participantes, finalistas e gañadores. 

Preme na imaxe para ver os traballos presentados.

Noraboa polo voso traballo!

Representación da obra "Un amor verdadeiro"

 

O alumnado de 6ºA preparou unha obra de teatro con marionetas na área do Proxecto Competencial para o PDI Somos Artistas. Na presentación da obra explican como a obra xurdiu coa idea de emrpegar as marionetas que temos na biblioteca e logo se puxeron mans á obra. Podes ler toda a obra no seguinte enlace.

Tamén se premes na imaxe, accedes ao album de fotos e vídeo da obra no momento da actuación dirixido ao alumando de Ed. Infantil e 1º Ciclo de Educación Primaria.

COÑECENDO A VAN GOGH EN 4º INFANTIL

 

O alumnado de 4º de Educación Infantil elexiu ao pintor Vicent Van Gogh para investigar a súa obra artística e facer logo as súas propias creacións. Preme na imaxe para ver todo o proceso de investigación e creación do máis pequenos do cole.

CREATING SELF-PORTRAITS USING A VARIETY OF MEDIA. (YEAR 4)

 

CREACIÓN DE AUTORRETRATOS USANDO DIVERSOS MATERIAIS (4ºEP)

As nenas e nenos de 4º de Ed. Primaria quedaron moi impresionados ao descubrir que Luna, a nosa auxiliar de conversa, é unha marabillosa artista que utiliza diversos materiais para crear as súas obras. Entre estes, podemos atopar café, revistas e xornais, etc, para crear resultados incribles.

Por esta razón, o proxecto que será aquí presentado ten un carácter especial porque a rapazada coñecía á artista de primeira man.

O alumnado creou os seus propios autorretratos empregando unha ampla variedade de materiais plásticos e cotiáns. Observando os seus rostros e trazos, cada un creaou unha obra única empregando elementos como arroz, café, fío, pintura, papel rasgado e outros materiais dispoñibles. Esta maneira de abordar permitiulles experimentar con texturas, cores e técnicas mixtas, desenvolvendo a súa creatividade e perspectiva persoal. Máis alá do resultado final, o proceso foi unha oportunidade para expresarse e explorar quen son a través da arte.

FOUR EMOTIONS IN POP ART (YEAR 2)

 

CATRO EMOCIÓNS EN POP ART (2º EDUCACIÓN PRIMARIA)

O alumnado de 2º de Ed. Primaria mergullouse no mundo da arte pop a través de Andy Warhol e a súa famosa representación de Marilyn Monroe.

Inspirándose nesta obra, cada neno e nena creaou a súa propia versión da imaxe icónica, utilizando a técnica de sgraffito para o soporte das distintas imaxes que sacaron eles mesmos.

Nestas fotografías podemos observar catro emocións diferentes como son: a alegría, a tristeza, o medo, a sorpressa, o noxo, a envexa, etc. Ao facelo, tamén practicaron e coñeceron o nome destas emocións a lingua extranxeira na que se imparte esta materia. Como se pode observar, o resultado final é unha colección den retratos vibrantes e expresivos, onde a arte, a emoción e a creatividade se unen nunha colorida homenaxe á arte pop.

Preme na imaxe para ver todos os traballos.

EXPLORING OUR EMOTIONS THROUGH ABSTRACT ART (YEAR 5)

 

Explorando as nosas emocións a través da arte abstracta (5º Educación Primaria)

Inspirado pola artista Janet Sobel, o alumnado de 5º de Ed. Primaria completou un proxecto artístico no que explorou as súas emocións a través da arte abstracta.

Baseándose nos seus propios sentimentos e estados de ánimo, cada neno e nena creou unha obra única empregando técnicas como o dripping e a pintura a man alzada, permitindo que as cores e os movementos fluísen libremente.

Esta experiencia permitiulles expresarse dun xeito persoal e intuitivo, descubrindo que a arte tamén pode ser unha ferramenta para conectar co que sentimos.

Durante o proceso, non só descubriron que Janet Sobel foi unha pioneira do expresionismo abstracto, senón que tamén reflexionaron sobre como a arte pode axudarnos a comunicar o que ás veces non podemos expresar con palabras.

Preme na imaxe para ver as obras de arte.