Hibernation (Year 4)

 

 

 

A Hibernación (4º Educación Primaria)

 

O alumnado de 4º de Ed. Primaria explorou o incrible proceso que soamente son capaces de levar a cabo certo animais como son os osos, os esquíos, os ourizos, etc. durante o inverno. Xa o acertaches? En efecto, estamos falando da hibernación. A través deste proceso, estes animais escóndense nun lugar cálido, como unha cova ou un niño, e dormen durante uns meses. Mentres descansan, o seu corpo traballa máis lentamente, polo que  non gastan tanta enerxía, porque no inverno é difícil atopar comida.

Viches que técnica máis interesante utilizaron as nenas e nenos para facer as mantas coas que están tapados estes animais? É unha técnica  coñecida como entrelazado e, tal e como o seu nome indica, consiste en unir tiras de papel cruzándoas entre si, como se estiven tecendo ou entrelazando, pero sen necesidade de pegar nin coser. 

 

 

All united with Joan Miró (Year 3)

 

 

Todos unidos con Joan Miró (3º de Educación Primaria)

As clases de 3ºA e 3º B uníronse para crear un fermoso mural colaborativo inspirado nas formas xeométricas e o estilo único do artista Joan Miró. Cada alumno deseñou formas coloridas e creativas, utilizando liñas, círculos, triángulos e outras figuras xeométricas características da arte de Miró. Estas pezas individuais combináronse nun traballo colectivo que reflicte a imaxinación e o traballo en equipo de todos os participantes. O resultado é un mural vibrante e cheo de vida que celebra a arte e a colaboración na nosa escola. 

If snow came in colours (Year 2)

 

Se a neve fose de cores (2º de Educación Primaria)

Para darlle a benvida ao inverno e para engadir máis cores a esta estación do ano, o alumnado de 2º deseñou estes coloridos bonecos de neve.

Como se pode apreciar, non son bonecos de neve ordinarios, senón que están representados en diversas cores. Mentres traballamos no seu deseño, a rapazada de 2º repasou as formas xeométricas así como as cores en inglés.

Ademais, estes alegres personaxes expresan as cousas que lles gustan e que non lles gustan. Bótalle un ollo que igual tes máis en común cos bonecos de neve do que pensas!

 

Representing our shadows (Arts Year 1)

 

 

Representando as nosas sombras en 1º de Educación Primaria.

Coa chegada deste novo ano, os días fanse máis longos pero este alongamento dos días faise de rogar. Por esta razón, o alumnado de 1º de Educación  Primaria que bota moito de menos o bo tempo e a ledicia de xogar fora, representouse a si mesmo no exterior.

Como podemos comprobar, a grande estrela, o noso sol, brilla no ceo con forza e proxecta as súas sombras no chan. Queres saber como conseguiron ese efecto? Achégate os debuxos e comproba que non precisas máis dun par de tesoiras, pegamento e facer uns debuxos na beira da folla de papel que escollas.

 

Entroido 2025

 

Video-resumo do desfile

 

 

Álbum de fotos