SOMOS YAYOI KUSAMA EN 5º DE ED. INFANTIL

 

Outra das artistas investigadas en 5º de Educación Infantil foi Yayoi Kusama.

Preme na imaxe para ver todas actividades que fixeron en torno a esta artista.

CREATING OUR OWN CITIES (YEAR 4)

 

Creando as nosas propias cidades 

Os nenos e nenas de 4º de Educación Primaria desenvolveron un emocionante proxecto creativo en equipo no que construíron as súas propias cidades con materiais reciclados.

Ao longo de varias sesións, empregaron caixas, tapas de botellas e outros artigos reutilizables para crear casas, estradas, edificios e parques. Este traballo permitiulles experimentar con diferentes formas e texturas, desenvolvendo as súas habilidades motoras finas e a súa concienciación sobre a importancia da reciclaxe e o coidado do medio ambiente.

Ademais, ao traballar en equipo, a rapazada tivo a oportunidade de compartir as súas propias ideas e escoitar as alleas, así como de tomar decisións en equipo, deixando voar a súa imaxinación para crear cidades cheas de cor, fantasía e orixinalidade.

SOMOS MATISSE

Outro dos moitos pintores que investigaron os nenos e nenas de 5º de Educación Infantil foi o pintor Henri Matisse. Preme na imaxe para ver todo o proceso de investigación e de creación.

 

ALL ABOUT LETRAS GALEGAS AND CANTAREIRAS (YEAR 2, 3 e 6)

 

O alumnado de 2º, 3º e 6º de Educación Primaria sumexéronse  de cheo en tres proxectos creativos que combinou a música tradicional galega, a expresión visual e a fotografía.

Inspirada nas Letras Galegas deste ano 2025 (nas cantareiras) a rapazada creou diversas creacións.

O curso de 2º de EP elaborou unha colaxe colaborativa traballando en grupos reducidos no que pegou diversos cachiños de papel nunha fotografía das cantareiras para darlles textura e expresión.

O cursos de 3º de EP deseñou colaxes de xeito individual nos que integrou imaxes que lles charaon a atención combinada coas destas mulleres que preservaron a nosa lingua e cultura.

Os grupos de 6º de EP, desenvolveron a técnica de  bordado de fotografía, na que grazas ao uso de fíos de cores sobre fotografías en branco e negro, conseguiron crear unha ponte entre o pasado das cantareiras e o presente.

Estas diversas técnicas manuais favorecen que as nenas e nenos desenvolvan a súa paciencia, precisión e creatividade, transformando cada obra nunha peza única no que se establece unha unión entre o noso pasado e o noso presente.

MARÍA PRYMACHENKO YEAR 2

 

Nesta actividade, o alumnado de 2º de Educación Primaria explorou o mundo fantástico de María Prymachenko, unha artista ucraína coñecida polas súas criaturas imaxinarias cheas de cor e detalles decorativos.

Despois de observar algunhas das súas obras, a rapazada desenvolveu un xogo no que mesturaron diversos seres para facer as súas creacións. Isto axudounos a repasar vocabulario de ditas criaturas en inglés así como a imaxinar e debuxar os seus propios animais fantásticos, combinando os seus favoritos, como un crocodilo con cola de tigre e corpo de elefantes.

A través desta actividade, os estudantes desenvolveron a creatividade, a expresión artística e unha conexión coa arte popular ucraína. Cada creación é única, con cores vivas, patróns decorativos e formas sorprendentes que reflicten tanto a imaxinación do neno como a inspiración do estilo inconfundible de María Prymachenko.

ENSAIOS DAS OBRAS DE TEATRO DO 3º CICLO

 

O alumnado de 3º Ciclo xa está realizando os últimos ensaios das súas obras de teatro. Durante todo o curso a súa investigación dentro do Proxecto Somos Artistas xirou arredor do mundo do teatro e como tarefa final decidiron representar cada grupo unha obra para todo o cole e para as familias. Aquí deixamos imaxes dos últimos ensaios no escenario da nosa biblioteca.

DESCUBRINDO A PINTURA A PARTIRES DUN CONTO

O alumnado de 5º de Ed. Primaria coñeceu a moitos pintores e pintoras ó longo do curso e empregaron os contos para presentar as diferentes actividades do proxecto. Neste caso, comezaron coa lectura do conto "Max, el artista" e con el aprenderon moitos valores e crearon as súas primeiras obras artísticas. Preme na imaxe para ver todo o proceso.

 

INVESTIGANDO A PICASSO EN 6º Ed. INFANTIL

 

Alumnado de 6º de Educación Infantil investigaron ao pintor Picasso coa mestra Lara para facer finalmente as súas pequenas obras. Preme na imaxe para ver todo o proceso de investigación e creación.

CANTAR, TOCAR E BAILAR POLAS LETRAS GALEGAS

 Celebramos as Letras Galegas cantando e tocando con Dunia, unha nai do noso centro que é pandereteira, do grupo Cinco en Zocas de O Grove. Foron unhas sesións moi divertidas onde todo o cole dende 4º de Educación Infantil ata 6º de Educación Primaria, en varias quendas, poideron tocar algúns dos instrumentos que se poden facer con cousas que temos na casa: as culleres, as cunchas, a tixola, as latas, o sacho... e por último os instrumentos tradicionais como o pandeiro e as pandeiretas.

Prema na imaxe para ver a galería de fotos.

ALL ABOUT TEN ARTISTS (YEAR 6A- YEAR 6B)

 TODO SOBRE 10 ARTISTAS (6ºA e 6ºB de Ed. Primaria)

Tras facer unha simple pregunta nas clases de 6º de Ed. Primaria : O noso proxecto naceu dun xeito moi natural.

Que artistas coñeces? As respostas non se fixeron esperar.

Leonardo da Vinci, Frida Kahlo, Pablo Picasso, Vincest Van Gogh, Joel Moore (Mulga), Munch, Tony Ross, Jordi Solano, Pablo Ozores, Harold e Bob Ross.

Notades algo? Correcto! Cando nos preguntan por artistas pensamos maioritariamente en artistas masculinos e non en artistas femininos. Por esa razón, aínda queda moito camiño por percorrer cara á igualdade.

Por que sucede isto?

Durante moito tempo, ás mulleres non se lles permitiu facer moitas cousas que poden facer hoxe. En arte, por exemplo, non podían asistir ás mesmas escolas que os homes, nin expoñer as súas obras nos museos máis importantes. Moitas veces, se pintaban ou facían esculturas, e non recibían o mesmo recoñecemento, e algunhas tiveron que asinar as súas obras con nome de home para ser aceptadas.

Agora as cousas están cambiando e cada vez son máis as mulleres que teñen cabida  no mundo da arte. Non obstante, é importante coñecelas e homenaxear o seu traballo para que non sexan esquecidas.

Por este razón, porque en todos e todas nós habita o cambio, os dous grupos de 6º de Ed. primaria dividíronse en grupos de tres persoas e investigaron a cinco artistas femininos e cinco artistas masculinos para descubrir a súa fascinante obra. Esperamos que desfrutedes tanto dela como eles desfrutando investigándoa.

Preme na imaxe para ver todos os traballos.

CUBIST SELF PORTRAITS (YEAR 1)

 AUTORRETRATOS CUBISTAS (1º DE EDUCACIÓN PRIMARIA)

As nenas e nenos de 1º de Educación Primaria crearon autorretratos inspirados no cubismo de Pablo Picasso e no uso de cores vibrantes características da artista británica Koola Adams.  A través desta actividade, a rapazada descubriu a descomposición e reorganización das formas, experimentando con múltiples perspectivas e cores expresivas para representar a súa propia imaxe dun xeito orixinal.

Esta experiencia non só lles permitiu explorar dous enfoques artísticos diferentes, senón que tamén fomentou a súa creatividade e capacidade de expresión persoal.

Kamishibais do Club de lectura

 

Para celebrar o Día internacinal do libro infantil e xuvenil, as chicas do Club de lectura de 5º e 6º de Educación Primaria crearon varios kamishibais de libros que escolleron da biblioteca para representar os contos a todo o alumnado de Ed. Infantil.

Día das Artes Galegas

 

Para celebrar o Día das Artes Galegas os Equipos de Biblioteca e TICS do noso centro organizamos un concurso de deseño da mascota que será a escollida entre os traballos presentados polas familias participantes. Pronto desvelaremos os finalistas e a obra artística gañadora que representará á nosa biblioteca os vindeiros anos. Preme na imaxe para ver as mascotas feitas polas familias e os seus autores/as.

ACTIVIDADES POLO 8 M DÍA DA MULLER

 INVESTIGANDO A MULLERES ARTISTAS GALEGAS

O Equipo de biblioteca preparou unha exposición de mulleres artistas na biblioteca a que todos os cursos puideron visitar durante todo o mes de Marzo. Trátase de 9 mulleres galegas coñecidas en diferentes disciplinas artísticas: as pintoras Maruja Mallo e Rosa Guisán; a escultora Soledad Peralta; a ilustradora de contos Blanca Millán, a arquitecta Milagros Rey, a actriz María Casares, artistas musicais como Guadi Galego ou as Tanxugueiras, e por suposto a nosa poeta Rosalía de Castro. 

Nesta exposición os nenos e nenas poden ler a información a carón de cada fotografía da artista e escanear coas tablets da biblio os códigos QR para ver as súas obras.

Por outra banda, na zona de Educación Infantil e na zona interclases de 1º ciclo fixerónse actividades sobre a artista xaponesa Yayoi Kusama. Na zona de Educación Infantil decoraron con pegatinas de cor violeta e escanearon códigos QR para ver as obras desta artista. Na zona de 1º ciclo a mestra de ARTS iniciou a decoración co alumnado de 1º ciclo para invitar a continuación ao resto do cole a participar.