Our own instalation inspired by Yayoi Kusama (Infantil e Primaria)

A nosa propia instalación inspirada na obra da artista Yayoi Kusama

Os nenos e nenas do 1º Ciclo de Ed. Primaria estiveron inmersos na creación dunha instalación artísitica inspirada en Yayoi Kusama e seu uso distintivo dos puntos.

A través desta experiencia colectiva (á que tamén contribuíron outros cursos como os de Educación Infantil e outros de Primaria) a rapazada transformou radicalmente un espazo do centro educativo.

Foron cubrindo aos poucos as superficies con adhesivos de cores e con pintura, explorando deste xeito a arte como proceso de acumulación e transformación.

Esta actividade non só lles permitiu coñecer a esta artista xaponesa, senón que tamén lles deu a oportunidade de expresar a súa creatividade e de reflexionar sobre como a cor e a repetición poden cambiar a percepción do noso entorno.

 

Our fears based on the scream of munch (Year 5)

 

Os nosos medos baseados no grito de Munch (5º Ed. Primaria)

Edvard Munch pintou "O grito" para expresar angustia, medo e soidade, sentimentos que todos podemos experimentar nalgún momento. Por esta razón, a súa arte encádrase no movemento do expresionismo, xa que as súas personaxes expresan as súas emocións de forma moi clara.

Inspirado no seu traballo, o alumnado de 5º de Ed. Primaria creou a súa propia versión desta famosa obra representando os medos que cada un sente.

A través desta actividade, a rapazada explorou como a arte nos axuda a expresar emocións, a reflexionar sobre os nosos sentimentos e a compartilos cos demais. Porque a arte non só se observa, tamén se sente!

Our Mona Lisa (Year 4)

A nosa Mona Lisa en 4º de Ed. Primaria

A Mona Lisa é unha das pinturas máis famosas do mundo, pero e se puidese cambiar de época, estilo ou personalidade?

Nesta actividade o alumnado de 4º de Ed. Primaria explorou a súa creatividade intervindo nesta obra emblemática. Cada neno e cada nena imaxinou unha nova versión  da Mona Lisa, cambiando de roupa, de peiteado e mesmo de expresión. Coñecemos a arte renacentista, a importancia da observación e como as e os artistas poden dar o seu toque persoal a unha obra clásica. Así é como a Mona Lisa cobra vida de moitas formas diferentes!

 

Quérote máis (Year 2)

 

Quérote máis (2º Educación Primaria)

O alumnado de 2º traballou en parellas escribindo as estrofas que forman a letra da canción escollida para celebrar o Día da Paz.

A rapazada empregou unha técnica baseada na transferencia por auga, na cal usaron rotuladores sobre papel de aluminio. Unha vez feito isto, humedeceron a tinta dos rotuladores cunha pequena cantidade de auga, puxeron a cartolina na que estaba escrita, presionaron e. ao levantala, obtiveron  estes efectos tan marabillosos.

Picasso for peace (Year 1)

 

Picasso pola paz (1º Educación Primaria)

Os nenos e nenas de 1º tiveron a oportunidade de explorar unha obra do artista español Pablo Picasso que non é tan coñecida como as súas representacións cubistas.

Picasso creaou a primeira versión da súa famosa pomba en 1949, encargo realizado para o Congreso Muncial da Paz celebrado en París. A imaxe, un sinxelo pero elegante debuxo dunha pomba branca, utilizouse como cartel oficial do evento e converteuse nun símbolo universal de paz. 

Como podemos observar, a rapazada deseñou a súa propia pomba co seu propio estilo e mestruando materiais como rotuladores e pintura.

Together is better inspired by Niki de Saint Phalle (Year 6)

 

Xuntas e xuntos é mellor. Inspirado en Niki de Saint Phalle (6º Ed. Primaria)

 Como se pode apreciar, a rapazada de 6º de Ed. Primaria inspirouse nas icónicas Nanas de Niki de Saint Phalle. Con formas voluminosas, cores brillantes e moita creatividade, as esculturas orixinais de Saint Phalle celebran a alegría, a diversidade e a arte.

Nesta ocasión, os nenos e nenas non crearon pezas escultóricas senón que realizaron unha representación colaborativa na que se celebra a unión de elementos que historicamente atopamos afrontados, como poden ser a auga e o aceite, marcas moi coñecidas como Pepsi e Coca-cola...

Cada parella aporta o seu toque persoal, decorando a súa Nana con patrón, texturas e detalles únicos. Esta experiencia non só fomenta o traballo en equipo, senón tamén unha conexión co estilo vibrante e simbólico desta gran artista.

 

 

 

 

 

Northern Lights (Year 5)

 

As Auroras Boreais (5º Educación Primaria)

O alumnado de 5º de Ed. Primaria adentrouse no fascinante mundo das auroras boreais. A través desta viaxe, os nenos e nenas tamén coñeceron animais que viven en países onde se pode observar este fenómeno, como morsas, raposos árticos e belugas, entre outros.

Cada membro da clase creou a súa propia representación artística das auroras boreais, combinando cores vibrantes empregando xices de cores. Ademais, investigaron datos interesantes sobre este animais, como que o que o oso polar ten a pel negra baixo a súa pelaxe para absorver mellor a calor que recibe a través dos raios do sol!